Tekstoj kaj tradukoj de Tekstoj

Tekstoj ofertas jenajn servojn:

• Tradukado (angla - nederlanda, angla - Esperanto, nederlanda - Esperanto);
• Verkado (nederlanda, Esperanto);
• Provlegado de tradukoj kaj aliaj tekstoj.

Mi estas Roel Haveman kaj mia entrepreneto nomiĝas Tekstoj. Ekde 1993 mi liveras altkvalitan laboron kiel sendependa verkisto, tradukisto kaj korektisto de varbaj kaj teknikaj tekstoj, kantotekstoj, k.t.p. En 1998 mi fondis la kompanion Tekstoj. Bonvolu kontakti min por viaj tradukprojektoj.

Mi uzas jenajn fontlingvojn kaj cellingvojn:
- Fontlingvoj: ĉefe la angla, la nederlanda kaj Esperanto.
- Cellingvoj: la nederlanda kaj Esperanto.

Mi regule tradukas kantojn el multaj diversaj lingvoj por diversaj Esperanto-artistoj kiel Akordo, Kore kaj Morice Benin. Pluraj el tiuj kantoj aperis kompaktdiske.

Kelkaj verkoj kiuj rilatas al Esperanto:

• En 2007 aperis mia traduko de la ampleksa dokumento Komuna Eŭropa Referenckadro por lingvoj: lernado, instruado, pritaksado.
• En 1996 aperis mia elangla traduko La filozofio de la instruoj de Islamo fare de Hazrat Mirza Ghulam Ahmad de Qadian.
• En 1999 aperis mia nederlanda adapto de la Zagreba Metodo.
• En 1999 aperis ampleksa nederlandlingva Esperanto-gramatiko. Ĝin mi verkis kune kun Arjen-Sjoerd de Vries. (recenzo)

La menciitaj verkoj estas mendeblaj ĉe UEA aŭ ĉe FEL.

Bedaŭrinde mi ne povas vivteni min per Esperanto-verkado kaj -tradukado. Tial mi plej ofte tradukadas el la angla en la nederlandan. Kutime temas pri manlibroj por komputilaj ekipaĵoj kaj programoj, muzikaj kaj videaj aparatoj, TTT-ejoj kaj komercaj tekstoj. Mi ĉefe liveras al grandaj aŭ malgrandaj tradukkompanioj kiel SDL International, WordHouse kaj LinguaForce. Ĉe la tradukado mi interalie uzadas la tradukilojn Trados' Workbench kaj SDLX.

Mi liveras ankaŭ tradukojn kaj tekstojn kun lingvistikaj, juraj, ekonomikaj aŭ politikaj temoj.