Preskaŭ

Ne anticipe
Prefere poste
Ne nun, principe
Preskaŭ

En horo morgaŭa
Nu, post ne longe
En tago baldaŭa
Preskaŭ

Ne tro subite
Malfruo plaĉas
Do prokrastite
Preskaŭ

Jen varmo ĝenas
Aŭ tro malvarmas
Nun ne konvenas
Preskaŭ

Neniam tro multe
Kaj ofte maltro
Facil-rezulte
Preskaŭ

Plenforte
Almenaŭ parte
Kaj se komforte
Preskaŭ

Se ĉio pravas
Duone kredu
Al mi ĝi ne gravas
Finfine - preskaŭ

Nun ekaktivu
Vivon vi vivu
Nun kaj ĉi tie
Senapatie
Bone rigardu
Ardu - ne tardu
Do agu konfronte
Ne diru senhonte:
- Ne jam, sed estonte -
Preskaŭ!!!