Pasanta pasio

La ŝmink' distingas vin
Malplaĉas nokt-rutin'
Trivita ag', kontanta pag', fridas ĉi imag'

Senmove frostas ŝi
Detruas la medi'
Ho, tima bezon' de aĉa mon' sen glora kron'

Pro pelta vest-abund'
Kovriĝas ĉiu vund'
Ĉi urb-kvartal' estas vual' por viv-batal'

En nokt' forvagis vi
De via famili'
Ŝajniga fot', tro dolĉa not', mesaĝo el la kot'

[Refreno:]
Sinjoro! Estiĝas tragedi'
Sinjoro! Vi agas sen konsci'
Vi pagas por ĉi amor'
Vi pagas kaj iras for - Pasanta pasi'

Ridetas vi ne plu
Pro iluzi-detru'
Kruda okul' kaj ĉarma tul' - Vivo-vaku'
Da sentoj restas nul
Dum tiu ago de la ĝu'
Sen parol' pri naŭza sent' - Pasanta pasi'

[Refreno]

Linĉita am', ploriga dram'
Pasanta pasi', glacias vi
Kruela nokt' - fragila knabin'
Vi volas for de tie ĉi
Sed Liza nur suferos pli

[Refrenoj]