Mi feliĉus kun vi

Sen telepatia senso
Jam senteblas la intenso
Ĉe unu rigardo,
Finiĝas kun ardo
La dub' en mi.

Antaŭdiri mi ne emas
Sed limigoj ne plu premas
Kaj eĉ mi konfesus
Ke forte impresus
Kunest' de ni.

Ĉu pro influo de naiv'
Mi strange emas strebi al kunviv'
Ĉiama!

Mi tre feliĉus kun vi,
Se vi tre feliĉus kun mi;
Pri vivkondiĉoj ne estu kverel'
Ho bagatel':
Kuneco estas cel'.
Ĉiela blu' tia ĉi
Ĝi povus griziĝi por ni;
Sed tamen: mi tre feliĉus kun vi,
Karega,
Se vi tre feliĉus kun mi!

Angla originalo: I Could Be Happy With You

Teksto: Sandy Wilson

Traduko: Roel Haveman

Por la repertuaro de f-ino Emily Barlaston

Nederlands

Nederlands

English

English

Esperanto

Esperanto