Foriras temp'

Traduko por la tradukprojekto de Morice Benin.

Originala titolo: Avec le temps
Tradukis: Jopetro Danvy (1977)

Foriras temp'

Foriras temp'
Foriras temp', nu, sen enu'
Forgeso de la voĉ', forgeso de l' vizaĝ'
De koro for la bat': ne zorgu tiam vi
Kviete do atendu vi, kaj venos saĝ'

Foriras temp'
Foriras temp', nu, sen enu'
L' alian amis ni, sub pluvo serĉis ni,
Divenis ĉiam ni dezirojn sen la dir'
Sufiĉis ekprononc', rigardo sub la ŝmir'
De falsa argument' por nokta alibi'
Foriras temp'
Forgesas ni.

Foriras temp'
Foriras temp', nu, sen enu'
Plej bela rememor' aspektas pala eĉ
En la animbutik', ĉe l' fako de la mort'
En la vesper', kiam tener' iĝas malstreĉ'

Foriras temp'
Foriras temp', nu, sen enu'
L' alian vartis ni, pri sano, pri neĝem',
Al kiu donis ni juvelojn per imag'
Por kiu vendis ni l' animon sen repag'
Al kiu por almoz' ni petis kun timem'
Foriras temp'
Nu, sen problem'

Foriras temp'
Foriras temp', nu, sen enu'
Forgeso de l' pasi', forgeso de la voĉ'
Mallaŭta ĉar al vi ĝi donis kun persist'
Informojn pri la san', grumbletojn sen riproĉ'

Foriras temp'
Foriras temp', nu, sen enu'
Blankiĝas ni sen tim', ekregas la vaku'
Malvarmaj en la lit', hazarda ripozil'
Ni estas solaj sed ni ĝuas per trankvil'
Bedaŭron de plezur' pro vigla jaroflu'
Ĉar fuĝis temp'
Ĉar ni kun tent'
Ne amas plu...